*အနာဂတ်လူငယ်များ မိမိအမျိုးသားဂုဏ် ဖေါ်ဆောင်နိုင်ကြပါစေ*

Sunday, December 6, 2009

အင်တာနက်ပေါ်ပေါက်လာမှုသမိုင်း အပိုင်း(၁)


အင်တာနက်ဆိုတာဟာ တစ်ကမ္ဘာလုံးရှိ ကွန်ပျူတာအသုံးပြုသူတွေကို ချိတ်ဆက်ပေးထားတဲ့ ကွန်ရက်စနစ်ကြီးဖြစ်ပါတယ်။ အင်တာနက် မတိုင်မီအချိန်တုန်းက mainframe ကွန်ပျူတာကို ဗဟိုပြုထားတဲ့ ကွန်ရက်စနစ်အငယ်စားတွေသာ ရှိခဲ့ပြီး ၁၉၆၀ ပြည့်လွန်နှစ်တွေမှာ ကွန်ပျူတာသုတေသနပညာရှင်တွေဖြစ်ကြတဲ့ Levi C. Finch နဲ့ Robert W. Taylor တို့ အပါအ၀င် ပညာရှင်အတော်များများကနေ Packet Switching လို့ ခေါ်တဲ့စနစ်တစ်ရပ်ကို အကောင်အထည်ဖော်ကာ တစ်စစီပြန့်ကြဲနေတဲ့ ကွန်ရက်တွေကို ချိတ်ဆက်မှုပြုနိုင်ဖို့ ကြိုးစားခဲ့ကြပါတယ်။ ၁၉၆၀ ပြည့်နှောင်းပိုင်းနဲ့ ၁၉၇၀ ပြည့်လွန်နှစ်တွေ အရောက်မှာတော့ ARPANET နဲ့ X.25 စနစ်အပါအ၀င် packet switch စံညွှန်းသုံး ကွန်ရက်ချိတ်ဆက်မှုစနစ်တွေ ပေါ်ထွက်လာခဲ့ပြီး UUCP လိုမျိုး အများအသုံးပြုနိုင်တဲ့ ကွန်ရက်စနစ်တွေကိုလည်း အသုံးပြုလာကြတာကို တွေ့ရပါတယ်။ ဒါ ပေမယ့် ဒီစနစ်တွေဟာ အမျိုးအစားတူ ကွန်ရက်တွေလိုပဲ အကန့် အသတ်နဲ့ gateway ကြားခံ ချိတ်ဆက်ပေးနိုင်ခဲ့ပါတယ်။ နောက်ပိုင်းမှာ အမျိုးအစားမတူညီတဲ့ ကွန်ရက်စနစ်တွေ တစ်ခုနဲ့တစ်ခုကြား အလွယ်တကူချိတ်ဆက်မှုပြုနိုင်မယ့် Internet protocol စံညွှန်းကို အတည်ပြုသတ်မှတ်နိုင်ခဲ့ရာကနေ တစ်ကမ္ဘာလုံး လွှမ်းခြုံနိုင်မယ့် အင်တာနက်ကွန်ရက် ပေါ်ပေါက်လာခဲ့တာဖြစ်ပါတယ်။ ၁၉၈၀ ပြည့်လွန်နှစ်တွေမှာ အင်တာနက်ဝန်ဆောင်မှုပေးတဲ့ ကုမ္ပဏီ (ISP) တွေ ပေါ်ပေါက်လာခဲ့ပြီး ၁၉၉၀ ပြည့်လွန်နှစ်တွေအရောက်မှာတော့ အင်တာနက်က ယဉ်ကျေးမှုနဲ့ စီးပွားရေးနယ်ပယ်တွေအထိပါ လွှမ်းမိုးခြေဆန့်လာတာကို တွေ့ရပါတယ်။ အင်တာနက်ကြောင့် ကမ္ဘာတစ်ဝန်းမှာ ဖြစ်ပျက်နေတဲ့ အကြောင်းခြင်းရာတွေကိုပါ အချိန်နဲ့ တစ်ပြေးညီ သိရှိလာနိုင်ပြီး မိတ်ဆွေသူငယ်ချင်းတွေနဲ့လည်း အရုပ်နဲ့အသံအသုံးပြုဆက်သွယ် ပြောဆိုမှုတွေ ပြုလုပ်လာနိုင်နေပြီ ဖြစ်ပါတယ်။ လက်ရှိနည်းပညာတိုးတက်မှု အလားအလာတွေအရ အင်တာနက်ဟာ တဖြည်းဖြည်း ပြောင်းလဲတိုးတက်နေတဲ့ ဖြစ်စဉ်ကြီးတစ်ခုဖြစ်ပြီး နိုင်ငံရေး၊ လူမှုရေး၊ စီးပွားရေး စတဲ့ လူသားတွေ ရဲ့ ဘ၀ကို ထင်ဟပ်ပြသနိုင်တဲ့ အရာ တစ်ခုဖြစ်လာတာကို တွေ့ရ ပါတယ်။
အင်တာနက်မတိုင်မီကာလ
အင်တာနက်ကွန်ရက် မပေါ်ပေါက်သေးမီ ၁၉၅၀ ပြည့်လွန်နှစ် တွေနဲ့ ၁၉၆၀ ပြည့်အစောပိုင်းကာလတွေမှာ ကွန်ရက်ချိတ်ဆက်မှုစနစ်တွေဟာ အကန့်အ သတ်နဲ့ပဲ ရှိနေခဲ့တာကို တွေ့ရပါတယ်။ တချို့ကွန်ရက်တွေမှာ Gateway နဲ့ bridge တွေ ကြားခံအသုံးပြု ထားကြပေမယ့် ကျယ်ပြန့်မှုမရှိသေးဘဲ အများ အားဖြင့် mainframe ကွန်ပျူတာ ဗဟိုပြုကွန် ရက်တွေကိုပဲ အသုံးပြုခဲ့ကြပါ တယ်။ ဥပမာအားဖြင့် ပြရရင် ဒီစနစ်ကို ပင်ဆယ်လ်ဗေးနီးယား ပြည်နယ် Pittsburgh နဲ့ အီလီ နွိုက်ပြည်နယ် Sullivan တို့ရှိ ကွန်ပျူတာတွေကို ချိတ်ဆက်ကာ သုတေသနပညာရှင်တွေ အလိုအလျောက် သီအိုရမ်သက်သေပြမှုနဲ့ ဉာဏ်ရည်တုစမ်းသပ်မှုတွေ ပြုလုပ်နိုင်မယ့် Project RAND အတွက် အသုံးပြုခဲ့တာဖြစ်ပါ တယ်။ Packet switching မတူညီတဲ့ကွန်ရက်တွေ တစ်ခုနဲ့ တစ်ခုကြား ချိတ်ဆက်ပေးနိုင်ဖို့ လုပ်ဆောင်တဲ့ ကြိုးပမ်းမှုတွေဟာ ၁၉၆၀ ပြည့်လွန်နှစ်တွေမှာ အစပြုခဲ့တာဖြစ်ပါတယ်။ အဲဒီ ကာလတွေမှာ Donald Davies (NPL), Paul Baran (RAND Corporation) နဲ့ Leonard Kleinrock (MIT) တို့က packet switching စနစ်ကို တီထွင်ပြီး လက်တွေ့အသုံးပြုခဲ့ကြပါ တယ်။ တချို့က အင်တာနက်ကွန်ရက်ဆိုတာဟာ နျူကလီးယားနဲ့ တိုက်ခိုက်ခံရတဲ့အခါမျိုးတွေကနေကာကွယ်ဖို့ လုပ်ဆောင်ရာကနေ ပေါ်ထွက် လာတာဖြစ်တဲ့အကြောင်း ဆိုထားကြပေမယ့် ဘယ်လို အထောက်အထားမှ မတွေ့ရပါ ဘူး။ အမှန်မှာ အစောပိုင်း နျူကလီးယား ထိန်းချုပ်မှုစနစ်တွေ အတွင်း message switch စနစ် ကို အသုံးပြုခဲ့ကြတာသာဖြစ်ပြီး အခုနောက်ပိုင်းကာလတွေမှာမှ packet switching နဲ့ connectionless စနစ်တွေကို သုံးလာခဲ့ တာဖြစ်ပါတယ်။ ARPANET တစ်ကမ္ဘာလုံး လွှမ်းခြုံချိတ် ဆက်ပေးနိုင်မယ့် ကွန်ရက်တစ်ခု အကောင်အထည်ဖော်ဖို့အတွက် ပထမဦးဆုံးသော စိတ်ကူးကို J.C.R Licklider ဆိုသူက စတင် စိတ်ကူးမိခဲ့တာဖြစ်ပြီး ““ကွန်ပျူတာ အများအပြားအား တစ်ကမ္ဘာလုံးအနှံ့ ချိတ်ဆက်ပေးထားနိုင်မည့် wide-band communication line များ အသုံးပြုလာနိုင်ပါက လက်ရှိစာကြည့်တိုက်များအတိုင်း လိုရာအချက်အလက်များကို အလွယ်တကူရှာဖွေရယူရေးအတွက် အသုံးပြုနိုင်မည်ဖြစ်သည့်အပြင် အခြားသတင်းအချက်အလက်များ သိမ်းဆည်းခြင်းနှင့် ပြန်လည်ရယူ ခြင်းတို့အတွက်လည်း ပိုမိုအဆင် ပြေလာနိုင်မည်”” ဆိုပြီး ၁၉၆၀ ပြည့်နှစ် ဇန်န၀ါရီလတွင်း ရေးသားခဲ့သော ၎င်း၏ Man-Computer Symbiosis စာတမ်း၌ ရေးသား ဖော်ပြထားတာကို တွေ့ရပါတယ်။ ၁၉၆၂ ခုနှစ် အောက်တိုဘာလအရောက်မှာ Licklider က DARPA လို့ လူသိများတဲ့ အမေရိကန်ကာကွယ်ရေးဌာန လက်အောက်ရှိ အဆင့်မြင့်သုတေသန ပရောဂျက်များအေဂျင်စီ အကြီးအကဲဖြစ်လာခဲ့ပါတယ်။ အဲဒီမှာ သူက Santa Monicaက ရှိ System Development Corporation, ကာလီဖိုးနီးယား တက္ကသိုလ်ရှိ Project Genie, မက်ဆာချူးဆက်စက်မှုတက္ကသိုလ် (MIT) ရှိ Compatible Time-Sharing System ပရောဂျက်စတဲ့ ကွန်ရက် ခုကို ပေါင်းစပ်ချိတ်ဆက်ဖို့ အဆိုပြုခဲ့ပါတယ်။ အဲဒီ နောက် Robert Taylor u Licklider ရဲ့ နေရာကို ဆက်ခံပြီး DARPA ရဲ့ သတင်းအချက် အလက် စီမံခန့်ခွဲမှုအကြီးအကဲဖြစ်လာပြီးနောက် MIT က Larry Roberts ဆိုသူကို ခေါ်ယူကာ ကွန်ရက်စနစ်ကို အကောင်အထည် ဖော်ခဲ့ပါတယ်။ ပထမဆုံး ARPANET ချိတ်ဆက်မှုကို လော့စ်အိန်ဂျလိစ်ရှိ ကာလီဖိုးနီးယားတက္ကသိုလ်နဲ့ စတန်းဖို့ဒ်သုတေသနဌာနတို့ အကြား ၁၉၆၉ ခုနှစ် အောက်တိုဘာလ ၂၉ ရက်နေ့ ၁၀ နာရီ မိနစ် ၃၀ မှာ စတင်နိုင်ခဲ့ပြီး ၁၉၆၉ ခုနှစ် ဒီဇင်ဘာလ ရက်နေ့ အရောက်မှာ Utah တက္ကသိုလ်၊ Santa Barbara ရှိ ကာလီဖိုးနီး ယားတက္ကသိုလ်တို့ကိုပါ ထပ်မံချိတ် ဆက်လာနိုင်ခဲ့ပါတယ်။ ၁၉၈၁ ခုနှစ်အရောက်မှာတော host အရေအတွက် ၂၁၃ ခုအထိရှိလာကာ ပျမ်းမျှအားဖြင့် ရက်ပေါင်း ၂၀ လျှင် host တစ်ခုကျ တိုးတက် လာတာကို တွေ့ရပါတယ်။ အဲဒီ အချိန်ကစပြီး ARPANET ဟာ နောက်ပိုင်းပေါ်ပေါက်လာမယ့် အင်တာနက်ကွန်ရက်ကြီးအတွက် အဓိကနည်းပညာဗဟိုချက်မဖြစ် လာခဲ့ပါတယ်။ ဒါပေမယ့် နော်ဝေးငလျင်တိုင်းတာမှုစနစ် (NOR-SAR), ဆွီဒင် Tanum Earth Station နဲ့ University College London တို့ကလွဲပြီး ဥရောပအဖွဲ့ အစည်းတွေအနေနဲ့ X.25 ကွန်ရက် စနစ် အကောင်အထည်ဖော်မှုမှာ ပါဝင်ခြင်းမရှိခဲ့ကြပါဘူး။ ဆက်လက်ဖေါ်ပြပါမည်

အင်တာနက်ဂျာနယ်မှ



ချစ်သော စာဖတ်ပရိသတ်ကြီးအား အစဉ်သဖြင့် လေးစားလျှက် 









 

blogger templates | Make Money Online