*အနာဂတ်လူငယ်များ မိမိအမျိုးသားဂုဏ် ဖေါ်ဆောင်နိုင်ကြပါစေ*

Wednesday, May 19, 2010

ဘယ်သူပြိုင်လို့ လှနိုင်ပါ့မလဲ

ဒေါက်တာ စင်သီယာမောင်ကို ၁၉၅၉ - ဒီဇင်ဘာလ ၆ရက်နေ့တွင် မိခင် နမ့်လှကြည် နှင့် ဖခင် မန်းငြိမ်းမောင် တို့မှ အင်းစိန်ဆေးရုံတွင် မွေးဖွား ခဲ့သည်။ မိဘများသည် ဧရာဝတီတိုင်း ပုသိမ်ခရိုင် ကျုံပျော်မြို့ ဇာတိဝင်များဖြစ်သည်။ စင်သီယာမောင်တွင် ညီအကိုမောင်နှမ (၇) ယောက်ရှိသည်။ သူသည် တတိယမြောက် သမီးဖြစ်ပြီး၊ အမ သုံးယောက်၊ မောင်ငယ် ၃ယောက် ရှိသည်။ နန့်လားရှာ၊ နန့်ဖန်းဃှီ၊ စင်သီယာမောင်၊ နန့်ရှာထူးဝေါ်၊ စလုံ့မေ၊ ဒေါက်တာ ရှီးရှို၊ စစေးမံ တို့ဖြစ်ကြသည်။ အမှန်တွင် သားသမီ (၈) ယောက်ရှိသော်လည်း၊ သားဦးယောင်္ကျားလေးသည် မွေးပြီးစအချိန်တွင် ချက်ကြိုးဖြတ်သည့် ဝါးနှီးစမှာ မသန့်စင် သဖြင့် ပိုးဝင်ပြီး သေဆုံးခဲ့သည်။ သူသည် မော်လမြိုင်မြို့ အထက(၄) တွင် သူငယ်တန်း မှစ၍ ပညာသင်ယူခဲ့သည်။

သူ့တွင် အစဉ်တစိုက် စွဲစွဲမြဲမြဲဖြစ်ရသော အချစ်ဆုံး သူငယ်ချင်း မရှိခဲ့သော်လည်း၊ ကျောင်းတလျှောက် တက်ရောက်ခဲ့သော အချိန်တွင် သိကျွမ်းခဲ့သော သူငယ်ချင်း များသာရှိသည်။ 

အထက်တန်းများ အောင်မြင်ပြီး နောက်ပိုင်းတွင် မော်လမြိုင် ဒေသကောလိပ်တွင် ၂-နှစ် တက်ရောက်ခဲ့ပြီး၊ ၁၉၈၀ ခုနှစ် ရန်ကုန်ဆေးတက္ကသိုလ်သို့ တက်ရောက်နိုင်ခြင်းသည်၊ မော်လမြိုင် ကောလိပ် ၂-နှစ် တက်ရောက်ခဲ့သည့် ရမှတ်နှင့် ဆယ်တန်း ရမှတ်တို့ ပေါင်းကာ ပျမ်းမျှ သတ်မှတ်ချက် အရ ဆးတက္ကသိုလ် သို့ ဝင်ရောက်ခွင့် ရရှိခဲ့ခြင်းဖြစ်သည်။

ရန်ကုန်ဆေးတက္ကသိုလ်သို့ တက်ရောက်ခဲ့ချိန်တွင်၊ နယ်မှ တက်ရောက်ကြသော အဆောင် ကျောင်းသား အုပ်စုများနှင့် နေထိုင်ခဲ့သည်။ သူသည် သီတာဆောင်တွင် နေထိုင်ခဲ့ပြီး၊ နှစ်စဉ် ဘော်ဒါဆောင် အခန်းပြောင်းခဲ့ရသည့်အတွက် သတ်သတ်မှတ်မှတ် သူငယ်ချင်းဟူ၍ မရှိခဲ့ပေ။ 

အဆောင်တွင် နေထိုင်ချိန်တွင်၊ မနက် မိုးလင်းသည့် အချိန်တွင် ရေချိုးရန် ရေမရှိခြင်း၊  မြေက်ဥက္ကလာ ဆေးကျောင်းတွင် ကျောင်းတက် ရသည့် အချိန်တွင် အဆောင်သို့ပြန်ရန် ဘူတာရုံသို့ အပြေးအလွှားပြေးရခြင်း၊ ရထားမမှီလိုက်ခြင်းမျိုးများကြောင့် အဆင်မပြေမှုများ ရှိခဲ့သည်။ ထိုအချိန်တွင် မြန်မာပြည်သည် တစ်စထက်တစ်စ ပျက်စီးယိုယွင်းစပြုသည့် အချိန်ကာလလည်း ဖြစ်သည်။ 

စာသင်ချိန်များ ရွှေ့ပေးရခြင်း၊ ဖျက်ပေးရခြင်းမျိုးလည်း မကြာခဏ ကြုံတွေ့ခဲ့ရသည်။ သူ နှင့် ကျောင်းတွင်ရှိသည့် ကျောင်းသားများသည်  " ဘာဖြစ်လို့ ဒီလို ဖြစ်နေရတာလဲ " ဟူသည့် မေးခွန်းများ မေးတတ်လာခဲ့ကြသည်။

ဆေးကျောင်းအပြီးတွင် မော်လမြိုင် ဆေးရုံကြီးတွင် အလုပ်သင်ဆရာဝန်အဖြစ် သင်တန်းဆင်းခဲ့သည်။ အလုပ်သင် ဆရာဝန်ဘဝ အပြီးတွင် ဆရာဝန်တစ်ယောက်ဖြစ်လာသည့်အခါတွင် သူမသည် အစိုးရဝန်ထမ်းလက်ထောက်ဆရာဝန် လျှောက်ထားခြင်းမရှိဘဲ၊ ဆွေမျိုးသားချင်းများရှိရာ ပုသိမ်မြို့သို့ သွားရောက်ခဲ့သည်။ ပုသိမ်မြို့တွင် “ပတ္တား” အမည်နှင့် ပုဂ္ဂလိက သားဖွားဆေးခန်းတစ်ခုကို အဒေါ်ဝမ်းကွဲမှ ဖွင့်လှစ်ထားသည်။ ထိုဆေးခန်းတွင် တစ်နှစ်ခွဲတိုင်အောင် ဆရာဝန်တစ်ယောက်အဖြစ် တာဝန်ယူဆောင်ရွက်ပေးခဲ့သည်။ 

၁၉၈၇ ခု-နှစ်တွင် သူသည်မော်လမြိုင်မြို့သို့ ပြန်ရောက်ခဲ့ပြီး၊ မိခင်ဖြစ်သူသည် မော်လမြိုင်မြို့တွင် ဆုံးပါးသွားခဲ့သည်။ မိခင်ကွယ်လွန်ပြီးနောက်တွင် သူငယ်ချင်း၏ အကူအညီဖြင့် အိန္ဒူကျေးရွာတွင် ကိုယ်ပိုင် ဆေးခန်းလေးတစ်ခု ဖွင့်၍ သူမ၏ ဘဝကို ရပ်တည်ခဲ့သည်။ ၁၉၈၈ ပြည်နှစ် ပြည်သူ့ဒီမိုကရေစီ အရေးတော်ပုံကြီး ဖြစ်ပေါ်လာချိန်တွင်၊ အိန္ဒူကျေးရွာမှ ဘားအံ၊ မော်လမြိုင်၊ ရန်ကုန်စသည့် တက္ကသိုလ်အသီးသီးတွင် တက်ရောက်နေကြသည့် ကျောင်သူ ကျောင်းသားများသည် ရွာသို့ ပြန်လည်ရောက်ရှိ လာကြပြီး၊ ဒီမိုကရေစီရေး တောင်းဆို ချီတက်ဆန္ဒပြမှုများ၊ သပိတ်စခန်းများ ဖွင့်လှစ်ခဲ့သည်။ 

တက္ကသိုလ်ကျောင်းသားဘဝမှ ဆရာဝန်ဖြစ်လာခဲ့တာ မကြာလှသေးသည့် ဒေါက်တာ စင်သီယာမောင်သည် ရွာမှ ကျောင်းသူကျောင်းသားများနှင့် ပေါင်းကာ သပိတ်စခန်းဖွင့်ကာ ဒီမိုကရေစီရေးအတွက် တက်တက်ကြွကြွ ပါဝင်လှုပ်ရှားခဲ့သည်။ စစ်တပ်သည် လူထုဒီမိုကရေစီ အရေးတော်ပုံကြီးကို လက်နက်ဖြင့် ရက်ရက်စက်စက် ပစ်ခတ်နှိမ်နင်းခဲ့ကာ၊ ၁၉၈၈ ခုနှစ် စက်တင်ဘာလ ၁၈ရက်နေ့တွင် တိုင်းပြည်အာဏာကို သိမ်းယူခဲ့ပြီး၊ စစ်အာဏာရှင်စနစ်ကို တည်ထောင်ခဲ့သည်။ 

ဒီမိုကရေစီ တိုက်ပွဲကို ဆက်လက် ဆင်နွှဲပြီး၊ စစ်အာဏာရှင် စံနစ်ကို ချေမှုန်းဖယ်ရှား ချင်ကြသည့် ကျောင်းသားကျောင်းသူများ နှင့် လူငယ်များသည်၊ နယ်စပ်ဒေသ တိုင်းရင်းသား လက်နက်ကိုင်တော်လှန်ရေး အင်အားစုများရှိရာသို့ အစုလိုက် အပြုံလိုက် ထွက်ခွာခဲ့ချိန်တွင်၊ ဒေါက်တာစင်သီယာမောင် တစ်ယောက်လည်း လိုက်ပါသွားခဲ့သည်။

ဒေါက်တာစင်သီယာမောင်သည် နယ်စပ်ဒေသခရီး လမ်းပန်းအခြေအနေနှင့် နယ်စပ်ဒေသ တိုင်းရင်းသား လက်နက်ကိုင်အင်အားစုများ၏ အခြေအနေကို သိမထားခဲ့သော်လည်း၊ ဆုံးဖြတ်ချက်အတိုင်း စက်တင်ဘာလ (၂၂) ရက် နံနက် (၄) နာရီတွင် ခြေလျင်ခရီးထွက်ဖို့ စီစဉ်ခဲ့ကြသည်။ အိန္ဒူရွာမှ သူမနှင့်အတူ လိုက်ပါမည့် လူငယ်တယောက်အိမ်တွင် (၂၁) ရက်နေ့ည (၉) နာရီလောက် ကတည်းက သွားအိပ်ခဲ့ကြသည်။ အစီအစဉ်အတိုင်း နောက် တနေ့နံနက် (၄) နာရီတွင် အိန္ဒူရွာမှနေပြီးခြေလျင်ခရီး စတင် ထွက်ခွာခဲ့ကြသည်။ သူမအပါအဝင် တက္ကသိုလ်ကျောင်း သားနှစ်ယောက် ဆယ်တန်းကျောင်းသား နှစ်ယောက်နှင့် အဖွဲ့ ဝင် (၁၄) ယောက်ဖြစ်သည်။
သူမတို့ (၁၄)-ယောက်သည် အများအားဖြင့် ညဘက်အချိန်တွင်သာ ခရီးသွားခဲ့ကြပြီး၊ နေ့ဘက် အချိန်များတွင် ဇရပ်၊ ဘုန်းကြီးကျောင်း သို့မဟုတ် အိမ်တစ်အိမ်တွင် အနားယူခဲ့ကြကာ ခရီးဆက်ခဲ့ကြသည်။ 
ညဘက်အချိန်တွင် ခရီးစမ်းတဝါးဝါးသွားခဲ့ရသည့်အတွက် လမ်းတွင် ဖြတ်ကျော်ခဲ့သည့် ကျေးရွာများ၏ အမည်ကို မမှတ်မိခဲ့ပေ။ သူတို့အဖွဲ့သည် ကေအန်ယူ တပ်မဟာ (၂) နယ်မြေထဲမှာရှိသည့်  "သိက္ခာရ" (သိက္ကာယ) ဆိုသည့် ကျေးရွာသို့ ဘေးမသီ ရန်မခပဲ ရောက်ရှိသွားခဲ့ကြသည်။ သိက္ခာရရွာသည် နယ်စပ်ဒေသတွင် ရှိသည့် ရွာတစ်ရွာဖြစ်သည်။ ထိုရွာတွင် သူမတို့အားလုံး ကို ကေအန်ယူလူကြီးတယောက်၏ နေအိမ်တွင် နေရာချထားပေးခဲ့သည်။ တပတ်အကျော်တွင် သူတို့အဖွဲ့ကို သက်ဆိုင်ရာ တာဝန်ရှိသည့် ကေအန်ယူလူကြီးများမှ ဘယ်စခန်း ကို ဆက်လက်သွားရောက်လိုသလဲဟု မေးမြန်းခဲ့သည်။ သူတို့ အားလုံး စဉ်းစားကြသည့် အခါတွင် (၁၄) မှ အများစုသည် ဘားအံမှ လာကြသည့်သူတွေဖြစ်သည့်အတိုင်း ဘားအံမြို့မှ အသိများနေထိုင်ကြသည့် Ü ဝမ်ခ’ စခန်းသို့ သွားဖို့ ဆုံးဖြတ်ခဲ့ကြသည်။ ကေအန်ယူမှ သူ၏ အဖွဲ့သွားရောက်လိုသည့် ဝမ်ခစခန်းကို လိုက်ပါပို့ဆောင်ပေးခဲ့သည်။ ဝမ်ခရောက်သည့်အချိန်တွင် ကျောင်းသားတပ်မတော် စတင်တည်ထောင် ပြီးချိန်ဖြစ်သည့်အတွက် တချို့သည် ABSDF နှင့် ပူးပေါင်းခဲ့ပြီး၊ တချို့မှာ ကေအန်ယူ နှင့် ပူးပေါင်းခဲ့ကြသည်။ ဒေါက်တာစင်သီယာမောင်သည် စထွက်ခဲ့စဉ်ကကတည်းက နယ်စပ်ရောက်လျှင် ဘာဆက်လုပ်မည်ကို ပြင်ဆင်ထားခဲ့သူ မဟုတ်ပေ။ ထို့ကြောင့် မည်သည့်အဖွဲ့အစည်းနှင့်မျှ ပူးပေါင်းခြင်း မရှိခဲ့ပေ။ သို့သော် ကေအန်ယူမှ ကျောင်းသား အဖွဲ့တာဝန်ခံတယောက် နှင့် ဆက်သွယ်ပေးခဲ့သည်။ ကျောင်းသားတာဝန်ခံမှ သူမ၏ ဆရာဝန်ပညာရပ်အား ကျောင်းသားများအတွက် အသုံးပြုပေးရန် နှင့် နိုင်ငံခြား ဆက်ဆံရေး ကိစ္စများတွင် အကူအညီပေးရန် တောင်းဆိုခဲ့သည်။ သူမသည်လည်း သဘောတူ ကူညီဆောင်ရွက်ခဲ့ပြီး ဆေးဝါးဘက်ပိုင်းတွင် အနည်းအပါး ကူညီဆောင်ရွက်ခဲ့ရာမှ လုပ်ငန်းများနှင့် ထိတွေ့ဆက်စပ်မှုများ ရှိလာခဲ့သည်။ နယ်စပ်ဒေသ ကျောင်းသားစခန်းများအတွက် ဆေးဝါးရိက္ခာထောက်ပံ့ဖို့ ဆောင်ရွက်ရာတွင် ထိုင်းနိုင်ငံရှိ NGO အဖွဲ့သေးများ နှင့် ဆက်သွယ်မှု ရရှိခဲ့သည်။
စင်သီယာမောင်သည် ဆေးဝါးရိက္ခာရရှိရေးအတွက်သာ မဟုတ်တော့ဘဲ ကျောင်းသားများ နာဖျားမကျန်းရှိလာသည့် အခါ ကျောင်းသားလူနာတချို့ကို မဲဆောက်ဆေးရုံသို့ ပို့ရမည့်အခြေအနေမျိုး ကြုံတွေ့ခဲ့ရသည်။ မဲဆောက် ဆေးရုံနှင့် အဆက်အသွယ်ရစေရန် ခရစ်ယာန်ဘုရားကျောင်းများ၏ အကူအညီကို ရယူခဲ့ရသည်။ သို့သော် ကျောင်းသားတပ်များ နှင့် စစ်အစိုးရတို့၏ တပ်များသည် တိုက်ပွဲပြင်းထန်စွာ မဖြစ်သေးသော အချိန်ဖြစ်သည့်အတွက်၊ ကျောင်းသားများ ထိခိုက်ဒဏ်ရာ နည်းခဲ့သည်။ ထိုအချိန်တွင် စင်သီယာမောင်သည် သာမန်ထိခိုက်ဒဏ်ရာ အနည်းအပါးရှိသော ကျောင်းသားများကိုသာ ကုသပေးခဲ့ရသည်။
နောက်ပိုင်းတွင် ကေအန်ယူတပ်များနှင့် ကျောင်းသားတပ်များသည် စစ်အစိုးရတပ်များ၏ တိုက်ခိုက်မှုများကို ပိုမိုပြင်းထန်စွာ တိုက်ခိုက်ခံခဲ့ရသည်။ "ဝမ်ခ" တိုက်ပွဲတွင် အပြင်းအထန် တိုက်ခိုက်မှုများကြောင့် ဒဏ်ရာရလာသည့် လူနာများကို အရေးပေါ်ကုသရန် နှင့် ABSDF အဖွဲ့ဝင်ဖြစ်ကြသည့် အသက်ငယ်ရွယ်သည့် ကလေးငယ်များကို တိုက်ပွဲများတွင် ပါဝင်တိုက်ခိုက်မှုမပြုရန် စင်သီယာမောင်မှ နေရာပေးရန် ရင်ဆိုင်ခဲ့ရသည်။
မယ်တော်ဆေးခန်း၏ အစ
လိုအပ်လာသည့်အခြေအနေအရ ဆေးဝါးရရှိရေး၊ အရေးကြီး လူနာများကို မဲဆောက်ဆေးရုံကြီးသို့ အလွယ်တကူ လွှဲပြောင်း နိုင်ရေးနှင့် ကျောင်းသားတပ်များမှာ ဆေးတပ်သားများ လိုအပ်လာသည့်အတွက် ဆေးသင်တန်းပေးရန် မဲဆောက်တွင် မဖြစ်မနေ ဆေးခန်းကလေး တခု ခြေကုပ်ရယူခဲ့သည်။ ၁၉၈၉ ခုနှစ် ဖေဖော်ဝါရီလ တွင် လူအင်အား ၆ ယောက်နှင့် ဆေးခန်းစတင် တည်ထောင်ခဲ့သည်။

ဆေးရုံဆေးခန်းကြီး တစ်ခုဖြစ်အောင် တဖြည်းဖြည်းတိုးချဲ့ တည်ထောင်ရန် သူ့တွင် အစီအစဉ်မရှိခဲ့ပေ။ တရားဝင်ရထားသည့် နေရာမဟုတ်သည့်အတွက် မည်သူ့ကိုမျှ အသိပေး အကြောင်းကြား ခဲ့ခြင်းမရှိဘဲ ဆေးခန်းလေးကို စတင်ခဲ့ခြင်းဖြစ်သည်။ လူအင်အားနဲသော်လည်း ကူညီပံ့ပိုးမှုများစွာ ရရှိခဲ့သည်။ ABSDF မှ ဆရာဝန်တချို့သည်လည်း လူနာကုသပေးခြင်း၊ ဆေးသင်တန်းပေးခြင်းများတွင် ပါဝင်ခဲ့ကြသည်။ ကော့ကရိတ်၊ ဒူးပလာ၊ ဘားအံ စသည့် ABSDF စခန်းခေါင်းဆောင်များ အနေနှင့် တပ်ဖွဲ့ဝင်လူနာများ လိုက်ပို့ရင်း၊ လာကြည့်ရင်း နှင့် ကူညီပံ့ပိုးမှုများကို ရရှိခဲ့သည်။ 

စင်သီယာမောင် မည်သို့ပင် တိုးတိုးတိတ်တိတ်လုပ်ခဲ့သော်လည်း ဆေးခန်းရှိနေသည်ဆိုသည်ကို တစထက်တစ သိရှိလာကြသည်။ အထူးသဖြင့် ထိုင်းနိုင်ငံထဲတွင် အလုပ်လာလုပ်နေကြသည့် အလုပ်သမားများ သိလာသည့်အချိန်တွင်၊ စက်ရုံအလုပ်ရုံများတွင် ထိခိုက်ဒဏ်ရာရလာသည့်လူနာမျိုး၊ ငှက်ဖျားရောဂါ ခံစား နေရသည့် လူနာမျိုးတွေကိုပါ ကုသပေးနိုင်ရေးအတွက် တစ်ပါတ် နှစ်ရက် နံနက်ပိုင်းအချိန်များတွင် စတင်ကုသပေးခဲ့သည်။

နောက်ပိုင်းတွင် အမျိုးသမီးအလုပ်သမားများပါ ရောက်လာသည့်အချိန်တွင် ကိုယ်ဝန်ဆောင်စောင့်ရှောက်မှု၊ သားဖွားမှုနှင့် ကလေးကျန်းမာရေး စောင့်ရှောက်ကုသမှုများပါ လုပ်ဆောင်ပေးခဲ့ရသည်။ ဒီလိုနှင့်ဒီနယ်စပ်ကို ရောက်ရှိလာတဲ့အချိန်မှာလည်း အထဲမှာရှိတုန်းက ပြည်တွင်းမှာ ရှိတုန်းကပေါ့နော် လွန်ခဲ့ တဲ့ အနှစ် (၂၀) မှာ ကျမတို့ပြည်သူလူထုတွေရဲ့ ဆင်းရဲနွမ်းပါးမှုတွေ၊ ခွဲခြားဆက်ဆံခံရမှုတွေကို အခြေခံပြီးတော့ မခံချင်စိတ်တွေနဲ့ ဒီကိုရောက်ရှိလာကြတယ်။ 

သို့သော်လည်း အရေးပေါ်တွေ့ကြုံရတဲ့ လက်ရှိအခြေအ နေမှာရှိတဲ့ ကျမတို့လုပ်ဖေါ်ကိုင်ဖက်တွေနဲ့ စိတ်ဓာတ်ခွန်အားတွေနဲ့ပဲ အခြေပြုပြီးတော့ ကူညီပံ့ပိုးတဲ့ အသိုင်းအဝိုင်းတွေနဲ့ ကျယ်ပြန့်လာအောင် ဆောင်ရွက်ပြီးတော့ ဒီထိကျယ်ကျယ်ပြန့်ပြန့် ဆောင်ရွက်ဖို့ ကြိုးစားနိုင်ခဲ့ကြ တယ်။
 

အစကတော့ ထိုင်းနိုင်ငံဟာ ကျမတို့ရဲ့ယာယီခိုနားရာ နေရာတခုအနေနဲ့ပဲထင်ခဲ့တယ်၊ လက်ရှိမှာတော့ ကျမ တို့ အနှစ် (၂၀) ဖြတ်သန်းမှုမှာ ဒါ့ထက်ပိုပြီးတော့ ဆိုးရွားတဲ့ လူထုတွေရဲ့ ပြဿနာတွေကို ပိုမြင်ရတဲ့အတွက် ကြောင့် စိတ်မကောင်းစရာတွေတော့ အများကြီးဖြစ်ပါတယ်။ သို့သော်လည်း ကျမတို့ တဦးချင်းစီရဲ့တာဝန်ရှိမှု တွေနဲ့ ပူးပေါင်းဆောင်ရွက်မှုတွေရဲ့ တန်ဖိုးတွေကို ပိုပြီးတော့ သိနားလည်လာကြတယ်လို့လည်း ယုံကြည်ပါ တယ်။ အဲဒီအပေါ်မှာ ကျမတို့ ဆက်လက်ဆောင်ရွက်ရမယ့် ကိစ္စရပ်တွေဟာ တဦးချင်းစီရဲ့ တာဝန်ရှိမှုနဲ့ အရည်အသွေး မြင့်မားမှုတွေကိုလည်း ဆက်လက် ကြိုးစားသွားမှာဖြစ်သလို စုဖွဲ့မှုတွေကို တန်ဖိုးထားပြီးတော့ သူမတို့ ညီညီညာညာ ဆက်လက်ဆောင်ရွက် သွားနိုင်မယ်လို့လည်း ယုံကြည်ပါတယ်။
သူမရဲ့ မေတ္တာ ကရုဏာဖြင့် တည်ဆောက်ခဲ့သော ဆေးခန်းလေးဟာလည်း အနှစ် ၂၀ ပြည့်ပြီး သည့်တိုင်  ယခုလက်ရှိ ပုံမှန် လည်ပတ်နေစဲဖြစ်ပါသည်။ မြန်မာပြည်တွင် ဆရာဝန်များ ဒုနဲ့ဒေးပါ သို့ပေမဲ့ လှပသည့်သူမ၏ နှလုံးသား မေတ္တာ ကရုဏာ တို့ကိုဖြင့်  "ဘယ်သူပြိုင်လို့ လှနိုင်ပါ့မလဲ "
သူမသည် အရှေ့တောင် အာရှ ရေမွန် မာဂါဆေးဆေး (Southeast Asia’s Ramon Magsaysay Award) ဆုကို ၊ လူမှုကူညီရေး များအတွက် ခေါင်းဆောင်မှု ပြုလုပ်နိုင်သည့် အတွက် ချီးမြှင့်ခဲ့သည်။ ၂၀၀၃ ခုနှစ် Time Magazine ၏ အာရှနိုင်ငံ အာဇာနည်များ စာရင်းတွင်လည်း အမည်ရွေးခံခဲ့ရသည်။ သူသည် နိုင်ငံတကာမှ ဆုပေါင်း ၁၃ခုတိုင်အောင် ချီးမြှင့်ခံခဲ့ရသည်။ ၁၉၉၉ ခုနှစ်တွင် Jonathan Mann Award ကို ပထမဦးဆုံး လက်ခံရရှိသော အမျိုးသမီးတစ်ဦးဖြစ်ပြီး၊ ထိုဆုသည် အမေရိကား နိုင်ငံ နှင့် ဆွစ်ဇာလန် နိုင်ငံ ဆေးဝါး အဖွဲ့အစည်းများမှ ပူးပေါင်း ချီးမြှင့်သော ဆုဖြစ်သည်။ 
 

ရရှိခဲ့သည့် ဆုများ

ဒေါက်တာစင်သီယာမောင်သည် အောက်ပါဆုများစွာကိုသူ၏ ဆေးခန်းတွင် လှုမှုကူညီရေး အလုပ်များကြောင့် ရရှိခဲ့သည်။
  1. 2008- Catalonia International Prize along with Daw Aung San Suu Kyi
  2. 2007- Asia Democracy and Human Rights Award (Taiwan Foundation for Democracy)
  3. 2007- World’s Children’s Prize for the Rights of the Child Honorary Award (Children’s World Association, Sweden)
  4. 2005- 1,000 Women Nobel Peace Prize Nomination (Global)
  5. 2005-  Unsung Heroes of Compassion Award (The Dalai Lama and Wisdom in Action, USA)
  6. 2005-  The Eighth Global Concern for Human Life Award (Chou-Ta Kuan Foundation, Taiwan)
  7. 2005-  Included in Time Magazine’s November Article on 18 Global Health Heroes
  8. 2002-  Ramon Magsaysay Award for Community Leadership (Philippines)
  9. 2001-  Foundation for Human Rights in Asia Special Award (Japan)
  10. 2001-  Van Hueven Goedhart Award (Netherlands)
  11. 1999-   Jonathan Mann Health and Human Rights Award (USA)
  12. 1999-  American Women's Medical Association President's Award (USA)
  13. 1999-  John Humphries Freedom Award (Canada)[2]  

ချစ်သော စာဖတ်ပရိသတ်ကြီးအား အစဉ်သဖြင့် လေးစားလျှက် 
 
 

blogger templates | Make Money Online