သျှမ်းနီလူငယ်: ကမ္ဘာ့အကြီးဆုံး ကျားထိန်းသိမ်းရေးနယ်မြေ

ကမ္ဘာအကြီးဆုးံ ကျားထိန်းသိမ်းရေးနယ်မြေဖြစ်သည့် ဟူးကောင်းချိုင့်ဝှမ်းတွင် ကျားကောင်ရေ ၅၀ ကျော်သာ ရှိတော့ကြောင်းသိရ

နောက်ဆုံးထုတ်ပြန်သော စာရင်းများအရ ကမ္ဘာပေါ်တွင်ကျား ကောင်ရေ ၃၅၀၀ ၀န်းကျင်သာကျန် ရှိတော့ကြောင်း သိရပြီး တောရိုင်း တိရိစ္ဆာန် ထိန်းသိမ်းစောင့်ရှောက်ရေး အဖွဲ့အစည်း(Wildlife Conservation Society-WCS)မှ ထုတ်ပြန်သောစာရင်းများအရ ကမ္ဘာ့အကြီးဆုံး ကျားထိန်းသိမ်းရေးနယ်မြေ ဖြစ်သည့် ဟူးကောင်းချိုင့်ဝှမ်းဒေသတွင် ကျားကောင်ရေ ၅၀ကျော်သာရှိတော့ကြောင်း သိရှိရသည်။

ဟူးကောင်းချိုင့်ဝှမ်း ကျား ထိန်းသိမ်းရေးဒေသသည် မြန်မာနိုင်ငံ မြောက်ပိုင်းကချင်ပြည်နယ် မြစ်ကြီးနားခရိုင်အတွင်းရှိ တနိုင်း မြို့အနီးတွင်တည်ရှိပြီး ဧရိယာ စတုရန်းမိုင်ပေါင်း ၈၄၅၂ ခန့်ကျယ်ဝန်း ကြောင်းသိရသည်။ ၂၀၀၄ ခုနှစ်တွင် ဟူးကောင်းချိုင့်ဝှမ်း၏ စတုရန်းမိုင် ၂၅၀၀ကို ဘေးမဲ့တောအဖြစ် အစိုးရ ကသတ်မှတ်ခဲ့ပြီး အသစ် သတ်မှတ်ချက်အရ ဘေးမဲ့တောဧရိယာသည် ၆၇၄၈ စတုရန်းမိုင် ရှိလာမည် ဖြစ်ကာ ၄၂၄၈ စတုရန်းမိုင် ပိုမိုကျယ်ဝန်းလာ မည်ဖြစ်ကြောင်း သိရသည်။

ဟူးကောင်း ဘေးမဲ့တောတွင် တောရိုင်းတိရစ္ဆာန်လေ့လာလိုသူများ အနေဖြင့် ကျားအပြင် ကျားသစ်၊ အင်းကျား၊ ဆင်၊ ၀က်ဝံ၊ တောကျွဲ၊ ပြောင်၊ ဆတ်၊ ဂျီ၊ တောကြောင်မျိုးများ၊ မျောက်မျိုးများ၊ တောဆိတ်၊ တောင်ဆိတ်အပါအ၀င် နို့တိုက် သတ္တ၀ါ ၃၅ မျိုး၊ ငှက်မျိုးစိတ် ၃၇၀ ကျော်၊ ဖားမျိုး ၄၆ မျိုး၊ ရေချိုငါးမျိုး စိတ် ၃၇ မျိုး၊ လိပ်မျိုးလေးမျိုး၊ လိပ် ပြာအမျိုးမျိုးအပြင် အပင်မျိုးစိတ် ပေါင်း ၁၃၅၀၀ ခန့် လေ့လာနိုင်ကြောင်း သိရသည်။

လက်ရှိထုတ်ပြန်ခဲ့သော စာရင်း များအရ ကမ္ဘာပေါ်တွင်ကျားကောင် ရေ ၃၅၀၀ခန့်သာ ကျန် ရှိနေပြီး ယင်း ကျား ကောင်ရေများထဲမှ သုံးပုံတစ်ပုံဖြစ်သော ကောင် ရေ ၁၀၀၀ ကျော်သာလျှင် မွေးဖွားနိုင်သော အရွယ်ရှိသည့် ကျားမများ ဖြစ်ကြကြောင်း သိရသည်။ ထို့ကြောင့် လွန်ခဲ့သော နှစ်ပေါင်းတစ်ရာက ကျားကောင်ရေ ၁၀၀၀၀ခန့်လှည့်လည် ကျက်စားခဲ့သော အာရှဒေသများနှင့် ရုရှားနိုင်ငံ တို့က ၂၀၂၂ခုနှစ် အတွင်း ကျားကောင်ရေနှစ် ဆခန့် တိုးတက်လာစေရန်အတွက် စီမံကိန်းများ ချမှတ်ဆောင်ရွက် သွားနိုင်ရန် စီစဉ်ဆောင်ရွက်လျက်ရှိကြောင်း သိရသည်။

မြန်မာနိုင်ငံတွင် အင်ဒိုချိုင်းနား ကျားနှင့်ဘင်္ဂလားကျားနှစ်မျိုး ကျက်စားနေပြီး ကျားကောင်ရေအများစု ကို ဟူးကောင်းချိုင့်ဝှမ်းဒေသ၊ ထမံသီဘေးမဲ့တောနှင့် တနင်္သာရီတိုင်းတို့ တွင် တွေ့ရှိနိုင်ကြောင်း သိရသည်။

Eleven MEDIA GROUP